Музыка әуеніндегідей тыныштық орнаған, ал ауасы балдан тәтті, алыстағы әдемі елде Сиқырлы Көл жайылып, көсіле орналасқан.  
 
Күн сайын таңертең мөлдіреген көгілдір судың бетінде жіңішке де мықты сабақты тамаша лотос гүлдердері жайқалып, бір-біріне және бүкіл Әлемге құшақ жая сәлем береді.

Олардың әрқайсысы қайталанбастай ерекше және керемет. Лотостар ак, кызғылт, сары, тіпті алқызыл және көгілдір. Сиқырлы Көл өз суының бетіне олардың сәулесін емін еркін түсіруде.

Бір күні көлде таңғажайып оқиға болады... 

Аппақ қардай тамаша Үлкен Лотос – қорапта өндірілген гүлдер арасындағы кішкентай – Тұқымды әңгімеге тартты:

«Қымбатты менің балаларым! Міне, сендер ересек болдыңдар. Жолға шығуға уақыт келді. Сендерді күрделі де және қауіпті саяхат күтіп тұр. Саяхат соңында әрқайсыларың біздің әлемдегі кереметтердің бірі боласыңдар. Бірақ жолдың бәрін жүріп өтіп, үйге бәрі орала алмайды. Мені бәрің мұқият тыңдаңыздар. Менің айтайын деген кеңесім, ұрпақтан- ұрпаққа беріліп келеді».

Лотос-тұқымдары Үлкен Лотос сөздерін демін іштеріне жұта тыңдады. 

Ол сөзін жалғастырып: «Сендердің әр қайсыларыңда Үш Бағалы Қазына жасырылуда! Егер сендер қауіпті кезеңде оларды еске түсірсеңдер, кез келген сынақтан сүрінбей өте аласыңдар.

Ол Ежелгі құпия кітаптағы Үш Қазына мыналар  

ШЫНДЫҚ

МЕЙІРІМДІЛІК

ШЫДАМДЫЛЫҚ

Жер бетінде бұл сөздер кез келген оқиғадан шығуға көмектеспей қоймайды. Мені өте мұқият тыңдаңдар...! — деп Үлкен Лотос жайлап кішкентай-дәнді тұқымдарға деген тәлімін жалғастырды.

Соңында ол: «Мен сендердің әр қайсыларыңа сенемін және үйде сендерді Сиқырлы Көлдің бетінде күтемін». 

Кешке қорап тұқымдармен суға еңкейе бергенде тұқымдардың барлығы Сиқырлы Көл суының бетіне төгіліп кетті. Суға себілген тұқымның біреуі басқалардан бұрын асықты. Ол жолдағының бәріне таң қалумен болды. «Неге Үлкен Лотос жол күрделі болады, деді екен- су өте таза және тұнық, тіпті суда Күн көрініп тұр ғой!». Кіші Тұқым әлі тәжірибесіз және жоғары көтерілуден, төмен құлау әлде қайда жеңіл екенін білмеді.

Тұқым тереңдей түскен сайын, су да лайланып, балшыққа араласты. «Ой, ой, ой! Бұл жерде ештеңе көрінбейді!» - деп Тұқым айқай салды. Бірақ ол құлап, төменге балшыққа тереңдей түсті. Тұқым қорқыныштан көзін жұмып алды. 

Бiраз уақыт өткенде ол бір көзін , одан кейін екінші көзін ашқанда айналада ештеңе көрінбеді. «Енді қайда бару керек, менің үйім қайда, қалай үйге ораламын?» Өз сұрағына өзі жауап іздегендей, Тұқым шаңқылдаған біртүрлі дыбыстарды естиді. Қараңғы және ұзақ нәрсе өте тез жақындай түсті.

Көп ұзамай Тұқым, денесі тікенектерге толы алып қолтырауын тәрізді тіршілік иесіне ұқсас нәрсені көре бастайды. Бұл құбыжықтың арқасында оның есімі жазылып тұрғанмен, бірақ оны қараңғыда оқи алмайтындай еді.

«Кішкене Тұқым, мен сені күттім, бұл жерде сені жаңа өмір күтіп тұр, саған мен құнды кеңестер беруге дайынмын. 

Өмірде әр түрлі оқиғалар болады. Кейде сені әлде кім байқамай итеріп жібереді, өйткені бізде өте қараңғы, немесе нашар көңіл күйдің әсерінен, біздің Әлемнің тұрғындары жаман сөздер айтуы мүмкін. Мұндай жағдайда ешқашан жазасыз қалдырма! Оған екі есе, үш есе жауап қайтар. Ұрып жібер, басқаларға айбат болу үшін» - деп Жұмбақ иесі өзінің қырылдаған даусымен сөзін жалғастырды.

Қорққан кішкене Тұқым ойланып: «Мүмкін солай ету керек шығар? Болмаса мынандай ұсқынсыз жерде тірі қалу мүмкін емес. Бірақ Тұқым Үлкен Лотостың айтқан сөзін еске түсіреді де, ойланады: «Егер мен бұл құбыжық тіршілік иесінің кеңесіне құлақ ассам, мен бұл лас жерде мәңгі қалып, қорқынышта боламын». 

Ал кубыжык акырын жакындап калды.

Егер Тұқым ең болмаса үлкен гүлдің ілімінің біреуін қабылдаса, қолтырауын оның бір бөлшегін тістеп алар еді: бұл дүниеде ешнәрсе ақысыз болмайды, тіпті тегін кеңес бермейді емес пе. Егер Кішкентай Тұқым кұбыжықты толық тыңдаған болса, үйге орала алмай, Сиқырлы көлдің үстiндегi әдемi гүлге айналу мүмкiн емес еді.

«Кез-келген оқыс жағдайдан шығудың жолы бар! Кез-келген жағдайдан шығудың жолы бар!» - деп кайталады Кішкентай Тұқым.

Кенеттен ол Қазынаны есіне түсірді.  

Бұл Yлкен Лотостың бойына сіңген басты құпиясы: Үш жарқын да, құдіретті Қазынасы 

ШЫНДЫҚ

МЕЙІРІМДІЛІК

ШЫДАМДЫЛЫҚ

Қауіп төнген сәтте осылардың ең қажетісі мен тиімдісі көмекке келеді.

Осы сәтте керемет, таңғажайып өзгеріс болды. Кішкене Тұқым жағымсыз кеңестерден бас тартқан кезде, оны айналасын түрлі түсті кемпірқосақ сәулелері орап алды. Ал, МЕЙІРІМДІЛІК , жарық жұлдыздай айналасын жарқыратты. Тұқым құбыжықтың үстіндегі жазуды оқып үлгерді.

Оның есімі: «Зұлымдық» екен.

Қуатты бір күш, алып тербеткіштен кішкене сәби-Тұқымды жоғары лақтырып жіберді.  

Жарық сәуле біртіндеп сөне бастағанда, Тұқым мүлдем басқа әлемді көрді. Қалың Қараңғы Әлем алыста қалып, Сұрғылт Әлем айналаны жайлады.

Бұл жерде аз да болса жарық түсіп, тыныс алу жеңілдей берді.

Тұқым жан-жағына қарап: «Алақай! Менде екі күлтеше пайда болды. Мен нағыз гүлге айнала бастадым!» деп қуанды.

Бірақ қуануға әлі ерте еді... 

Сұрғылт жерден үсті басы жылтыр бақа қарсы алдарынан шығып, жақындай түсті. Ол жайлап, жалпақ алақанымен жылжып келіп бірдеңені былдырлады: «Біздің Әлемге қош келдің! Бұл жерде ереже қарапайым. Әркім өзіне қызмет етеді. Ешкімге көмектеспеу керек. Өз мүдделеріңді ештеңеге қарамай қорғауға тиістісіңдер. Ол үшін өтірік айтуға да болады. Бір нәрсені бүлдірсең- біреуге аудара салуға да болады. Тәттілерді бөлісетін болсаң — әділетсіз бөлісу: өзіңе бесеуін, басқаға — біреуін».

Тұқым ойламаған нәрселерді айтқан тіршілік иесіне көзін айқара ашып таң қалды. Бұл ереже Сиқырлы Көлдің бетіндегі Үлкен Лотостың оқытқанынан әлде қайда айырмашылығы бар еді. 

Бұл жолы Үш Қазына туралы құтқару ойы есіне тез түсті: Тұқым Сұрғылт Әлемде қалу, оның ережелерімен және оның қолдаушыларымен өмір сүруге болмайтынын білді. Сол сәтте жарқыраған ШЫНДЫҚ жұлдызы Тұқымды қорғағыш көрпемен айналдыра орап алды да жоғары қарай лақтырып жіберді.

Ол тек бақаның үстіндегі сөзді оқып үлгерді — «Өтірік».

Сөйтіп біздің саяхатшымыз, барлық алты күлтешесін қуана желпіген Бұлыңғыр Әлемде тағы қалды. Ия, солай енді олар үш есе көп еді! Әрбір жеңістен соң Тұқым өсіп және қатая түсті. Жоғары жақта Күн жарық беріп, оның сәулелері әрең бізге қарай жетіп тұрды.

Бірақ сынақтар әлі аяқталған жоқ...  

Толық жыланға ұқсас, ұсқынсыз шылаушан құрт алыста сияқты еді. Ол жаймен, жан-жағына қарап, кішкентай Лотостың әлсіз жерін бақылағандай жорғалап келеді. Қалың-Қараңғы және Сұрғылт әлемдегі тіршілік иелеріне қарағанда Шылаушан құрт әлсіз болғанмен айлакер болып шықты. Оның дауысы тыныштандыратын және жігерлендіретін: «Кішкене Лотос, сенің жолың болды, сені осылай айтуға болады. Біздің әлемде тыныштық, бұл жерле жел жоқ, аса қараңғы да емес. Мұнда Ережелер қарапайым және жағымды:

Біріншіден, егер ешнәрсе жасағың келмесе жасама — оқымай, талпынбай, кез-келген қиыншылықтың алдын орағытып кетуге болады.

Екіншіден, бізге достардың қажеті жоқ, әйтпесе олардың көңілсіз күйлеріне төтеп беріп, қиын сәттерде көмектесуге тура келеді. 

Yшiншiден, егер біреу сізге жағымсыз бірдене айтса, тұрып қалмаңыз, есіңізге түскен барлық жаман сөздерді айтып салыңыз».

Кшкентай Тұқым: «Әрине, бұл әрдайым бос, жұмыссыз жүру, күш жұмсамау әрине, жеңіл болғанымен ештеңе біліп, ештеңе үйрене алмайсың, бұл қызық емес, деп ойлады. Және жалғыздықтан әрдайым жалығасың — бұл жиркенішті. Жоқ, Жоқ, жоқ! Бұл ұсқынсыз, бұлыңғыр әлемнен сытылып шығу үшін менде барлық мүмкіндік бар».

Кішкентай Лотос дұрыс айтады — Yшiншi Қазына көмекке келуге әрқашан дайын. Оның жүрегінде ШЫДАМДЫЛЫҚ жұлдызы тез өсіп, інжу шуағы айналасына сәуле шашпай тұрғанда, кішкене гүлді жаймен жоғары көтерді.

«Жалқаулық» атты шылаушан құрт тез кішірейіп кетпей тұрғанда, күн сәулесі жарқырағанның үстіне жарқырай түсті. Ал айналадағы су мөлдірей түсті. Енді Жасөспірім Лотос қосымша көмекке мұқтаж емес. Ол қатайды, гүлді көтеретін сабағы жуандап және өскеннің үстіне сенімді өсе түсті. Ал, бұлыңғыр әлем олардан алыстап, жойыла берді.

Жарық Әлемде жүріп өту оңай және жағымды еді. Өйткені нәзік Күн шуағы жан-жақты қыздырып, алтын сәулесімен жарқырата түсті.

Су мен ауаның арасындағы шекара өтті. Кешегі Тұқым, Жасөспірім Лотос Сиқырлы Көлдің бетіне шықты. 

«Үйге Қош келдің!» — бұл Yлкен Лотостың дауысы еді.

Yлкен Лотос: «Ендi сен күштi және әдемi болдың. Біздің Әлемдегі тіршілік иелерін өз күшіңмен өзіңді де басқаларды да қолдап, нағыз сұлулығыңмен қуаныш сыйлай аласың!»

Жасөспірім Лотос судағы өз көлеңкесіне қарап... күлтелері жарқыраған ғажайып гүлді көрді.

Судың айналасынан жаңа лотос гүлдері бірінен соң бірі өсіп шыға бастады. Олардың әр қайсысы өз жолдарымен жүріп өтіп, өздерінің қайталанбас сұлулықтарын паш етті. Егер мұқият қарап отырсаң, барлық гүлдер саған үмітпен қарап тұрып:

СЕН ӨЗ жолыңды жақсы жүріп өт!